Qaçqın və məcburi köçkünlərə Prezident qayğısı

 Zəmanənin əvəzolunmaz dahi şəxsiyyəti, xalqımızın ümummilli lideri Heydər Əliyevin öz yurdlarından didərgin salınmış həmvətənlərimizə dövlət qayğısı və himayədarlıq siyasəti
bu gün də layiqincə davam etdirilir










Azərbaycan Respublikasının Prezidenti cənab İlham Əliyevin müvafiq fərman və sərəncamlarına əsasən qaçqın və məcburi köçkünlərin sosial problemlərinin həlli ilə bağlı həyata keçirilən tədbirlər

(oktyabr 2003 - oktyabr 2008-ci illər)

Bakı şəhəri, oktyabr 2008-ci il




 

Məcburi köçkünlərin müvəqqəti məskunlaşma yerləri


 

 

a) Azərbaycan torpaqlarının 20 faizi, o cümlədən Dağlıq Qarabağ, eləcə də ona bitişik olan 7 rayon (Ağdam -ərazisinin 77,4 faizi işğal altındadır, 22,6 faiz ərazidə isə 76830 nəfər yaşayır), Cəbrayıl, Füzuli (ərazisinin 81,3 faizi işğal altındadır, 18,7 faizində isə 54670 nəfər yaşayır), Kəlbəcər, Qubadlı, Laçın, Zəngilan) və Ermənistanla həmsərhəd bir sıra yaşayış məntəqələri -Naxçıvan Muxtar Respublikasının 1 (Kərki), Tərtər rayonunun 13 (Çardaxlı, Umudlu, Ortakənd, Talış, Həsənqaya, Şıxarx, Çanyataq, Çaylı, Ağdərə, Kiçikqarabəy, Qızıloba, Ağabəyyalı, Uluqarabəy) və Qazax rayonunun 7 (Yuxarı Əskipara, Aşağıəskipara, Baqanis Ayrum, Xeyrimli, Barxudarlı, Soflu, Qızılhacılı) kəndi artıq 16 ildir ki, Ermənistan silahlı qüvvələrinin işğalı altındadır.

b) Hal-hazırda ölkədə 986 586 min nəfər qaçqın və məcburi köçkün vardır:
     -250 min nəfər 1988-1993-cü illərdə Ermənistandan qovulmuş qaçqınlar;
     -50 min nəfər 1990-cı ildə Orta Asiyadan didərgin salınmış məshəti türk qaçqınları;
     - 700 min nəfərədək Ermənistan silahlı qüvvələrinin 1988-1993-cü illərdə ölkəmizə hərbi təcavüzü nəticəsində Dağlıq Qarabağdan, eləcə də ona bitişik olan 7 rayondan, həmçinin Ermənistanla və ya Dağlıq Qarabağla həmsərhəd olan yaşayış məntəqələrindən zorla qovulmuş məcburi köçkünlər.

Bütün qaçqın və məcburi köçkünlər ölkənin 69 şəhər və rayonunda müvəqqəti məskunlaşmışlar.

c) Ermənistan silahlı qüvvələrinin hərbi təcavüzü nəticəsində ölkəyə dəymiş ziyan təxminən 60 milyard ABŞ dollarından çoxdur (bu rəqəm «Böyük Qayıdış» proqramı hazırlanarkən dəqiqləşdiriləcəkdir).

ç) Hərbi təcavüz nəticəsində respublikamızın 17 min kv.km. ən məhsuldar torpaqları, 900 yaşayış məntəqəsi, 130939 ev, 2389 sənaye və kənd təsərrüfatı obyekti, 1025 təhsil, 798 səhiyyə ocağı, 1510 mədəniyyət müəssisəsi, 5198 km. avtomobil yolları, 348 körpü, 7568 km. su və 76940 km. elektrik xətləri dağıdılmışdır. Azərbaycanın mədəni irsini təşkil edən mədəniyyət obyektləri xüsusi qəddarlıqla məhv edilmiş, 12 muzey və 6 rəsm qalereyası, tarixi əhəmiyyətli 9 sarayı qarət edilmiş və yandırılmışdır. Nadir tarixi əhəmiyyətli 40 min muzey sərvəti və eksponatı talan olunmuş, 44 məbəd və 18 məscid təhqir edilmişdir. Dağıdılan və yandırılan 927 kitabxanada 4,600 (dörd milyon altı yüz) min kitab və misilsiz əlyazma nümunələri məhv edilmişdir.

d) Hal-hazırda 700 min nəfər məcburi köçkün 1600-dan çox sıx məskunlaşma obyektində, o cümlədən çadır düşərgələrində, fin tipli qəsəbələrdə, dəmir yolu yük vaqonlarında, ictimai binalarda, yataqxanalarda, yeraltı qazmalarda, təhsil müəssisələrində, tikintisi yarımçıq qalmış binalarda, sanatoriya, pansionat, istirahət evlərində, turist bazalarında və s. müvəqqəti məskunlaşmışdır.

Məcburi köçkünlərin müvəqqəti məskunlaşma obyektləri üzrə
D İ S L O K A S İ Y A S I (DP-nın icrası)

Azərbaycan Respublikasının Prezidenti cənab İlham Əliyevin qaçqın və məcburi köçkünlərlə keçirdiyi görüşlər, nitq və çıxışları

(oktyabr 2003 – oktyabr 2008-ci illər)

Azərbaycan Respublikasının Prezidenti
cənab İlham Əliyev 5 il ərzində 11 dəfə
məcburi köçkünlərlə görüşmüşdir

Cənab İlham Əliyev 2003-cü il 1 oktyabr tarixdə Prezident seçkiləri ərəfəsində seçicilərlə ilk görüşünü məhz Biləsuvar rayonu ərazisində salınmış qəsəbələrdə müvəqqəti məskunlaşmış məcburi köçkünlərlə keçirərək geniş nitqlə çıxış etdi.