1999-cu il 21 may tarixində Azərbaycan Respublikasının “Qaçqinların və məcburi köçkünlərin (ölkə daxilində köçürülmüş şəxslərin) statusu haqqında” və “Məcburi köçkünlərin və onlara bərabər tutulan şəxslərin sosial müdafiəsi haqqında” qanunlar qəbul edilmişdir.

Azərbaycan Respublikasının Prezidenti Heydər Əliyev tərəfindən 1995 - 2003-cü illər ərzində qaçqınlar və məcburi köçkünlər haqqında imzalanmış Fərman və Sərəncamlar həqiqətən də qaçqınların və məcburi köçkünlərin problemlərinin dövlətin bir nömrəli problemi olduğunu təsdiq edir.

Ötən dövrdə Nazirlər Kabineti tərəfindən problemlə bağlı 192 qərar və sərəncam verilmişdir.

Azərbaycan Respublikası BMT-nin 1951-ci il “Qaçqınların statusuna dair Cenevrə Konvensiyası” və ona əlavə 1967-ci il Protokoluna 1992-ci ilin dekabr ayının 8-də qoşulmuşdur. Bu beynəlxalq sənədlərin tələblərinə uyğun olaraq, 1999-cu ildə isə “Qaçqınların və məcburi köçkünlərin (ölkə daxilində köçürülmüş şəxslərin) statusu haqqında” qanunu qəbul edilmişdir.

Azərbaycan Respublikasının Konstitusiyası 1995-ci il noyabrın 12-də ümumxalq səsverməsində (referendumda) qəbul edilmiş, həmin ilin noyabr ayının 27-dən qüvvəyə minmişdir. Bu bölmədə Konstitusiyada insan hüquqlarını əks etdirən çıxarışlar verilmişdir.